Boodskap vir Vandag

Search
Close this search box.
Search

Woorde wat vreugde ontlaai

Die woorde van die regverdige bring lewe en geluk (Spreuke 10:11).

Nie lank gelede nie kom ek af op hierdie veelseggende uitspraak:

“There is hardly anything that can make one happier than to feel that one counts for something with other people.”

Dit het my laat terugdink aan een van die ontroerendste oomblikke in my lewe. Dit was tydens ʼn besoek aan ʼn jare lange vriend van my in sy Deense tuisdorp, Silkeborg.

Aan die ontbyttafel, kort voor my vertrek daardie oggend, het sy vrou skielik na my opgekyk. Terwyl die trane oor haar wange stroom, het sy my begin bedank. Omdat sy, só het sy dit verwoord, elke slag as ek kom kuier ʼn “beter” man terugkry – een wat skielik tot nuwe lewe gekom het.

Met haar woorde het sy nie net die waarde en betekenis van ʼn jare lange en kosbare vriendskap bevestig nie. Sy het ook ʼn nuwe vreugde in my aan die brand gesteek. ʼn Vreugde wat voortvloei uit die ontdekking dat ʼn mens tog – hoe klein ook al – iewers vir mense iets beteken.

Dit is ʼn vreugde wat ʼn mens eweneens tot trane van dankbaarheid kan dryf.

Here, gee dat ons vandag met ons woorde nie onmin en wantroue sal skep nie, maar eerder vreugde in die lewe van ander aan die brand sal steek. Amen.

Carel Anthonissen

Inspirasievennoot

Boodskap vir Vandag is ’n reeks inspirerende elektroniese dagstukkies wat daagliks duisende lesers bereik. Ons doel is om Christene te bemoedig, uit te daag, te ondersteun en te inspireer.

Indien jy nie die daaglikse e-pos ontvang nie, maak asseblief seker dat jou SPAM-filters dit nie verwyder nie.
Jy besoek nou LiG, ons susters-publikasie se webtuiste, propvol inspirerende getuienisse. LiG-getuig: Waar elke getuienis tel. By LiG is ons toegewyd om inspirerende stories te deel wat die hart aanraak en hoop bied. Jy besoek nou ons susters-organisasie se webtuiste, propvol inspirerende getuienisse.

Daaglikse Inspirasie

Die Boodskap vir Vandag-app is nou beskikbaar vir jou selfoon.
Installeer dit vandag nog.