Boodskap vir Vandag

Search
Close this search box.
Search

Praat soos God

“Kom Ons maak die mens as ons verteenwoordiger” (Genesis 1:26).

Hoe ons praat, het alles te make met hoe God praat. Die eerste woorde in die Bybel is skeppend en bevestigend. God spreek ʼn woord en skep … en wanneer Hy sy handewerk aanskou, bevestig Hy dit as “goed”, selfs as “baie goed”.

God se woord lei na beginnings. Ek kan aan ʼn paar geleenthede in my lewe dink toe iemand se woorde, bevestigend of uitnodigend, tot beginnings in my lewe gelei het. Daar is egter ook oomblikke wanneer ander se woorde die wind uit jou seile haal, jou in jou dop laat kruip of jou moed laat opgee. Woorde is inderdaad kragtig.

Woorde gaan natuurlik gepaard met lyftaal en stemtoon. Ek wonder altyd wat in Jesus se menswees so uitnodigend was dat toe Hy die vissermanne geroep en vir hulle gesê het: “Volg My,” hulle alles net so gelos en agter Hom aan gevolg het.

In Genesis 1:26-27 sê God: “Kom Ons maak die mens as ons verteenwoordiger … God het die mens geskep as sy verteenwoordiger, as beeld van God het Hy die mens geskep.” Of miskien kan ons sê: “Kom Ons skep die mens na ons beeld sodat hy en sy soos Ons kan praat – skeppend en bevestigend.”

Herskep ons, Skepper-God, sodat ons soos U kan wees en soos U sal praat. Amen.

Lisel Joubert

Inspirasievennoot

Boodskap vir Vandag is ’n reeks inspirerende elektroniese dagstukkies wat daagliks duisende lesers bereik. Ons doel is om Christene te bemoedig, uit te daag, te ondersteun en te inspireer.

Indien jy nie die daaglikse e-pos ontvang nie, maak asseblief seker dat jou SPAM-filters dit nie verwyder nie.
Jy besoek nou LiG, ons susters-publikasie se webtuiste, propvol inspirerende getuienisse. LiG-getuig: Waar elke getuienis tel. By LiG is ons toegewyd om inspirerende stories te deel wat die hart aanraak en hoop bied. Jy besoek nou ons susters-organisasie se webtuiste, propvol inspirerende getuienisse.

Daaglikse Inspirasie

Die Boodskap vir Vandag-app is nou beskikbaar vir jou selfoon.
Installeer dit vandag nog.