Lewe in liefde soos Christus ons ook liefgehad het (Efesiërs 5:2).

Oor die belangrikheid van liefde om ons as mense meer heel te maak kan min mense stry. Dit bly die hart van die Bybelse boodskap.

Tog, en tragies genoeg, bly die uitleef van egte liefde dikwels net ʼn verlange, ʼn droom. Maar dan één wat ons gedurigdeur moet bly koester.

Nêrens word hierdie verlange mooier uitgedruk as in Jacques Brel se aangrypende lied “I we only have love” nie. Ek gee net enkele strofes uit hierdie lied weer. Gaan luister gerus na Laurika Rauch se aangrypende vertolking daarvan – en hoor veral hoe die verlange in die lied tot ʼn oorwoë sekerheid opbou.

“If we only have love then tomorrow will dawn and the days of our years will rise on that morn. If we only have love to embrace without fears we will kiss with our eyes, we will sleep without tears. If we only have love with our arms open wide then the young and the old will stand at our side. If we only have love, love that’s falling like rain then the parched desert earth will grow green again … If we only have love we can reach those in pain, we can heal all our wounds, we can use our own names. If we only have love we can melt all the guns and then give the new world to our daughters and sons.”

Ai, as ons net meer liefde kan hê.

Here, dit is ook óns verlange vandag: dat ons ook meer liefde kan hê. Skenk ons vandag dié gawe deur u Gees. Amen.

Carel Anthonissen