Boodskap vir Vandag

Search
Close this search box.
Search

Onbenut begrawe

“Omdat ek bang was, het ek u muntstuk in die grond gaan begrawe” (Matteus 25:25).

Onlangs raak iemand ʼn vreemde stelling kwyt – een wat ek nog nooit vantevore gehoor nie.

Hy sê: “The richest plot in the world is the cemetery.” In Afrikaans: “Die rykste grond in die wêreld is die begraafplaas.”

Daarmee het die spreker nie net bedoel die begraafplaas is vol ryk en bekende dooies nie. Hy het veral bedoel die begraafplaas is vol ongeleefde potensiaal – vol mense wat met ʼn oorvloed talente gebore is, maar dit nooit voluit kon of wou benut nie. En nou lê die rykdom daarvan onbenut begrawe.

Hoe hartseer tog dat mense só moet sterwe. En wat ʼn herinnering vir ons dat ons in óns leeftyd alles sal doen om die rykdom van ons talente, kanse en geleenthede met oorgawe aan te gryp en uit te leef. En dit veral ook ter wille van ander.

Is dit dan nie jou blywende roeping in hierdie lewe nie?

Here, dankie vir gawes en geleenthede. Vergewe my as dit onbenut gelaat of nie goed gebruik het nie. Help my om dit voortaan met groter geesdrif te omhels. Amen.

Carel Anthonissen

Inspirasievennoot

Boodskap vir Vandag is ’n reeks inspirerende elektroniese dagstukkies wat daagliks duisende lesers bereik. Ons doel is om Christene te bemoedig, uit te daag, te ondersteun en te inspireer.

Indien jy nie die daaglikse e-pos ontvang nie, maak asseblief seker dat jou SPAM-filters dit nie verwyder nie.
Jy besoek nou LiG, ons susters-publikasie se webtuiste, propvol inspirerende getuienisse. LiG-getuig: Waar elke getuienis tel. By LiG is ons toegewyd om inspirerende stories te deel wat die hart aanraak en hoop bied. Jy besoek nou ons susters-organisasie se webtuiste, propvol inspirerende getuienisse.

Daaglikse Inspirasie

Die Boodskap vir Vandag-app is nou beskikbaar vir jou selfoon.
Installeer dit vandag nog.