Boodskap vir Vandag

Search
Close this search box.
Search

Ongesonde solidariteit

Loop op en af in die strate van Jerusalem, kyk rond en let op: gaan soek op sy pleine of julle daar iemand kry wat reg doen, wat die waarheid soek (Jeremia 5:1).

Wie oor temas soos verbondenheid en solidariteit nadink, kan nouliks die negatiewe kante daarvan miskyk.

Dit is wanneer jou verbondenheid aan of solidariteit met mense, hetsy ʼn groep of ʼn individu, ontaard in blinde lojaliteit, onkritiese navolging en ʼn sieklike soort vertroeteling en afhanklikheid.

Dié verskynsel of tendens kom wyd voor.

In kerke word predikers dikwels aanbid en slaafs nagevolg. Die gevolg hiervan is grootskaalse misleiding en selfs ongewone tragedies. In die besigheidslewe of die politiek, so sien ons ook vandag, kan die verbintenis aan ʼn bepaalde groep, party of leier maklik ontaard in ʼn agteraf geknoei waarin omkopery, ongesonde bevoorregting, korrupsie en die gepaardgaande ontkenning of verdoeseling die wagwoorde word.

Wie hulle daarom aan mense en groepe verbind, moet daarteen waak om deel te word van ʼn kultuur of ʼn bedryf waarin mense óf onregmatig verryk óf gruwelik gemanipuleer, uitgebuit en veronreg word. Vir ʼn volgeling van Christus sal daar in sulke geselskap altyd net één keuse wees: om dapper op te staan en te stry vir dit wat waar, reg en eerlik is.

Trouens, in aansluiting by Jeremia se versugting sal die gelowige nie toelaat dat daar te lank gesoek word na iemand wat reg doen en die waarheid soek nie (Jeremia 5:1).

O Here, gee ons vandag opnuut die moed om, waar ons ons ook al bevind, reg te doen en op te staan vir die waarheid. Amen.

Carel Anthonissen

Inspirasievennoot

Boodskap vir Vandag is ’n reeks inspirerende elektroniese dagstukkies wat daagliks duisende lesers bereik. Ons doel is om Christene te bemoedig, uit te daag, te ondersteun en te inspireer.

Indien jy nie die daaglikse e-pos ontvang nie, maak asseblief seker dat jou SPAM-filters dit nie verwyder nie.
Jy besoek nou LiG, ons susters-publikasie se webtuiste, propvol inspirerende getuienisse. LiG-getuig: Waar elke getuienis tel. By LiG is ons toegewyd om inspirerende stories te deel wat die hart aanraak en hoop bied. Jy besoek nou ons susters-organisasie se webtuiste, propvol inspirerende getuienisse.

Daaglikse Inspirasie

Die Boodskap vir Vandag-app is nou beskikbaar vir jou selfoon.
Installeer dit vandag nog.