Boodskap vir Vandag

Search

Getrooste twyfel

“Kom na my toe, almal wat uitgeput en oorlaai is, en Ek sal julle rus gee” (Matteus 11:28).

Een van die mooiste definisies van geloof is deur die ou kerkvader Martin Luther geskep.

Hy noem geloof “getrooste twyfel”.

Sjoe, wat ʼn diepsinnige gedagte! Wat ʼn eerlike insig! Want geloof is inderdaad altyd broos, ʼn soort hoop of vertroue wat dikwels tot diepgaande twyfel, onsekerheid en selfs wanhoop geskok en ontnugter word.

Sint Johannes van die Kruis praat in dié verband selfs van die donker, uitsiglose kant van geloof. Dit is wanneer alles op ʼn dag vir die gelowige nag word.

Tog troon daar bo-oor hierdie geskokte twyfel en onsekerheid altyd die belofte uit dat wie hulle skok en twyfel op Christus werp en wie hulle sorge na Hom bring nooit beskaam sal staan nie, maar by Hom tot rus sal kom. En dat wie afhanklik van God bly, deel aan sy koninkryk sal kry. Net soos hulle wat vandag huil en hulle harte voor God uitstort op sy troos kan reken.

Een kerkvader het dié troos soos volg beskryf: “Dit maak nie saak hoe ver ons val nie – ons kan nie dieper as tot in God se hande val nie.”

Inderdaad, getrooste twyfel!

Here, U ken ons angs en twyfel. Om dit te weet is vandag genoeg. Dit troos ons. Dankie! Amen.

Carel Anthonissen

Koop ’n Koffie

Ondersteun Christelike inisiatiewe teen die prys van ’n koppie koffie

Koorde vir die Koning

Laat lof weerklink met Christelike musiek

Kamera op die Kruis

Rig ander se fokus op die Here

Kinders van die Lig

Gee geloof en hoop aan kinders

Vriende van Kerkbode

Raak ’n vriend van Kerkbode

Herinneringe van Hoop

Help om herinneringe te bewaar

Building Bridges

Bridging the gap between prisoners and the community

Maak ’n Dankoffer

Deel jou dankbaarheid deur ’n dankoffer

Bybel-Boodskappers

Deel Jesus se boodskap elke dag

Laat ‘n Ligspoor

Laat kinders leef met lig, lag en liefde

Inspirasievennoot

Boodskap vir Vandag is ’n reeks inspirerende elektroniese dagstukkies wat daagliks duisende lesers bereik. Ons doel is om Christene te bemoedig, uit te daag, te ondersteun en te inspireer.

Indien jy nie die daaglikse e-pos ontvang nie, maak asseblief seker dat jou SPAM-filters dit nie verwyder nie.
Jy besoek nou LiG, ons susters-publikasie se webtuiste, propvol inspirerende getuienisse. LiG-getuig: Waar elke getuienis tel. By LiG is ons toegewyd om inspirerende stories te deel wat die hart aanraak en hoop bied. Jy besoek nou ons susters-organisasie se webtuiste, propvol inspirerende getuienisse.