Boodskap vir Vandag

Search
Close this search box.
Search

Gebed staaf ons geloof

Roep My aan in die dag van benoudheid: Ek sal jou uithelp en jy sal my eer (Psalm 50:15).

Daar bestaan allerlei mooi definisies van gebed, soos dat dit die eerste impuls van die hart is, of die laaste toevlug van die wil, of die asemhaling van die siel, of selfs God se asem in ons wat deur gebed na sy geboorteplek terugkeer.

Hoewel al hierdie definisies mooi is, beweeg dit nie noodwendig die hedendaagse mens om te bid nie.

Nee, om te bid bly ʼn gawe van God wat ons gedurig in geloof moet ontvang en beoefen. In Karl Barth, die Switserse teoloog, se woorde:

“Gebed is nie iets wat ons kan doen nie. Dit is iets wat in en deur ons gebeur. En dit nie uit eie wil nie, maar omdat God ons as sy kinders aangeneem het. En as ons God se kinders is, mag ons tot God roep. Ja, verwag God dat ons tot Hom sal roep, al is dit alleen by wyse van ʼn klein versugting.”

Jacques Ellul, ʼn Franse teoloog, sluit by Barth aan wanneer hy skryf dat ons vrymoedigheid om te bid juis ons geloof in God as ons sorgende Vader staaf. Meer nog, dit is die eerste konkrete uitdrukking van hierdie geloof.

Wat beteken dat ons traagheid om te bid ʼn teken is dat ons nie meer in God en in God se beloftes glo nie.

Here, wat ʼn wonderlike boodskap dat U ons Vader is en dat ons tot U kan roep. Help ons om dit te glo en leer ons dan hoe om te roep. Amen.

Carel Anthonissen

Inspirasievennoot

Boodskap vir Vandag is ’n reeks inspirerende elektroniese dagstukkies wat daagliks duisende lesers bereik. Ons doel is om Christene te bemoedig, uit te daag, te ondersteun en te inspireer.

Indien jy nie die daaglikse e-pos ontvang nie, maak asseblief seker dat jou SPAM-filters dit nie verwyder nie.
Jy besoek nou LiG, ons susters-publikasie se webtuiste, propvol inspirerende getuienisse. LiG-getuig: Waar elke getuienis tel. By LiG is ons toegewyd om inspirerende stories te deel wat die hart aanraak en hoop bied. Jy besoek nou ons susters-organisasie se webtuiste, propvol inspirerende getuienisse.

Daaglikse Inspirasie

Die Boodskap vir Vandag-app is nou beskikbaar vir jou selfoon.
Installeer dit vandag nog.