Boodskap vir Vandag

Search
Close this search box.
Search

Bly in My!

“As julle in My bly en my woorde in julle, vra dan net wat julle wil hê, en julle sal dit kry” (Johannes 15:7).

In Johannes 15:1-8 hoor ons dat ons lewe bestem is om vrugbaar en vol vreugde te wees.

Daarmee saam ontdek ons die diepste geheim daartoe.

Dit is dat ons, soos lote aan ʼn wingerdstok, in noue verbondheid en gemeenskap met Christus sal leer leef. Buite dié gemeenskap, so waarsku Jesus, loop ons gevaar om te verdroog en tot niet te gaan, soos lote wat afgesny is van die wingerdstok.

Hierdie beeld van lote wat verdroog, dui onder meer op die tragiese en hartseer situasie waarin baie moderne mense hulle vandag bevind. Dit is dat die lewe sy betekenis vir hulle verloor het. En hulle gevolglik vrugteloos, dag ná dag sonder enige ware vreugde, hoop of uitsig op iets nuuts, voortploeter.

Omdat Christus allermins dít vir ons as sy kinders verlang, herinner Hy ons weer vandag: “Wie in My bly en Ek in hom, dra baie vrugte” (Johannes 15:5). En verder: “As julle in My bly en my woorde in julle, vra dan net wat julle wil hê, en julle sal dit kry” (15:7).

Hoor jy dit? Daar is Iemand wat jou gevoel van leegheid, moegheid en moedeloosheid verstaan. Iemand wat in jou nood na jou wil luister. En wat kan en wil help.

Solank jy naby, ja, ín Hom bly. En toelaat dat sy woorde jou elke dag voed.

O Here, ek roep na U. Hoor my gebed! Maak my vandag weer deel van u lewe. Kom woon in my. Amen.

Carel Anthonissen

Inspirasievennoot

Boodskap vir Vandag is ’n reeks inspirerende elektroniese dagstukkies wat daagliks duisende lesers bereik. Ons doel is om Christene te bemoedig, uit te daag, te ondersteun en te inspireer.

Indien jy nie die daaglikse e-pos ontvang nie, maak asseblief seker dat jou SPAM-filters dit nie verwyder nie.
Jy besoek nou LiG, ons susters-publikasie se webtuiste, propvol inspirerende getuienisse. LiG-getuig: Waar elke getuienis tel. By LiG is ons toegewyd om inspirerende stories te deel wat die hart aanraak en hoop bied. Jy besoek nou ons susters-organisasie se webtuiste, propvol inspirerende getuienisse.

Daaglikse Inspirasie

Die Boodskap vir Vandag-app is nou beskikbaar vir jou selfoon.
Installeer dit vandag nog.