Boodskap vir Vandag

Search
Close this search box.
Search

ʼn Bron vir sin en rigting

Die hele Skrif is deur God geïnspireer en het groot waarde om in die waarheid te onderrig, dwaling te bestry, verkeerdhede reg te stel en ʼn regte lewenswyse te kweek (2 Timoteus 3:16).

Tydens my jeugjare was daar meer as een manier waarop ons geloof gevorm en gevoed is.

Naas kerkgang was die belangrikste hiervan om die Bybel te leer ken, om selfs sekere Skrifgedeeltes te memoriseer. En om só, in pas met Psalm 1 se oproep (Ps 1:2), ons gedagtes gereeld in God se woord en wil te drenk.

As gevolg van hierdie dissipline kan ek vandag steeds sekere Bybelgedeeltes of Bybelverse, soos Psalm 23, Johannes 3:16 en die Ons Vader-gebed, woordeliks herhaal. En ek is beslis nie die enigste van my geslag wat dit kan doen nie.

In die geskiedenis van die kerk het die gebruik om deur die Bybelse verhale en briewe ons aandag voortdurend op God te rig baie gelowiges, veral dié wat vervolg is, staande gehou en help oorleef.

Vandag, so kom dit voor, is die getroue lees van die Bybel vir baie ʼn verlore gewoonte. Wat jammer is, want só leef ons, dikwels onbewustelik, verby een van die groot bronne wat sin en rigting aan ons lewe kan verleen.

Paulus kon destyds persoonlik daarvan getuig (2 Tim 3:16).

O Here, u Woord is ʼn lig op ons pad en ʼn lamp vir ons voet. Help ons om dit al hoe meer te ontdek. Amen.

Carel Anthonissen

Inspirasievennoot

Boodskap vir Vandag is ’n reeks inspirerende elektroniese dagstukkies wat daagliks duisende lesers bereik. Ons doel is om Christene te bemoedig, uit te daag, te ondersteun en te inspireer.

Indien jy nie die daaglikse e-pos ontvang nie, maak asseblief seker dat jou SPAM-filters dit nie verwyder nie.
Jy besoek nou LiG, ons susters-publikasie se webtuiste, propvol inspirerende getuienisse. LiG-getuig: Waar elke getuienis tel. By LiG is ons toegewyd om inspirerende stories te deel wat die hart aanraak en hoop bied. Jy besoek nou ons susters-organisasie se webtuiste, propvol inspirerende getuienisse.

Daaglikse Inspirasie

Die Boodskap vir Vandag-app is nou beskikbaar vir jou selfoon.
Installeer dit vandag nog.