Boodskap vir Vandag

Search
Close this search box.
Search

Ek is een van hulle!

Terwyl ons dan so ʼn groot skare geloofsgetuies rondom ons het … (Heb 12:1).

“Dit is ʼn slegte wêreld, Donatus, ʼn ongelooflik slegte wêreld. Maar te midde daarvan het ek ʼn stille en heilige volk gevind wat ʼn groot geheim ontdek het. Hulle het ʼn vreugde gevind wat duisend maal beter is as enige plesier wat ons sondige lewe kan bied. Hulle word verag en vervolg, maar hulle gee nie om nie … Hulle het die wêreld oorwin. Hierdie mense, Donatus, is Christene. En ek is een van hulle.”

So skryf Siprianus, die biskop van Kartago, in 300 nC aan sy vriend Donatus, en erken dan dat hy self ook ʼn Christen is.

“Ek is ʼn Christen.” Wat ʼn groot voorreg – en verantwoordelikheid – om dit te mag sê! Party mense sê dalk dit is darem ʼn aanstellerige, selfs verwaande aanspraak. Vir sommige kan die woordjie “ek” parmantig op die oor val. En tog mag ek dit sê!

Deur my geloof in Christus skaar ek my by die “groot skare geloofsgetuies” waarvan Hebreërs 12:1 praat. Ek is een van die gelowiges van alle eeue, volke, nasies, tale en kontinente. Ek dra die naam “volgeling van Christus”. Ek is ʼn Christen! Ek is een van hulle!

Is jy?

Wanneer ek my geloof bely, skaar ek my by die skare gelowiges van alle eeue, volke, nasies, tale en kontinente.

Vader, dankie dat ek ook “ons” mag sê. Amen.

Johan Cilliers

Inspirasievennoot

Boodskap vir Vandag is ’n reeks inspirerende elektroniese dagstukkies wat daagliks duisende lesers bereik. Ons doel is om Christene te bemoedig, uit te daag, te ondersteun en te inspireer.

Indien jy nie die daaglikse e-pos ontvang nie, maak asseblief seker dat jou SPAM-filters dit nie verwyder nie.
Jy besoek nou LiG, ons susters-publikasie se webtuiste, propvol inspirerende getuienisse. LiG-getuig: Waar elke getuienis tel. By LiG is ons toegewyd om inspirerende stories te deel wat die hart aanraak en hoop bied. Jy besoek nou ons susters-organisasie se webtuiste, propvol inspirerende getuienisse.

Daaglikse Inspirasie

Die Boodskap vir Vandag-app is nou beskikbaar vir jou selfoon.
Installeer dit vandag nog.