Boodskap vir Vandag

Search
Close this search box.
Search

’n Paar ou skoene

Moet tog nie die werk van u hande laat vaar nie (Ps 138:8).

God skryf nooit sy skepping af nie. Al het die mens dinge daarop so verkeerd laat loop. Hy bly vir altyd getrou (Ps 146:6). En, soos Psalm 138:8 sê, Hy laat nie die werk van sy hande vaar nie.

God maak nie met die skepping soos ’n mens met ’n paar ou skoene maak nie. Dit word weggegooi en ’n nuwe paar aangeskaf. Maar God maak die skepping nuut, die skepping soos ons dit ken; dieselfde skepping wat die wonde van die sonde dra, word uit die verderf bevry. Daarom moet ons eerder praat van herskepping (recreatio) as van ’n totaal nuwe skepping (nova creatio).

Daarom bely die Christelike kerk al eeue lank dat Jesus gebore is uit die maagd Maria. Hy is nie maar net God wat deur Maria heen in die wêreld gekom het, sonder dat Hy nóg kant nóg wal geraak het aan die menslikheid, aan die ware menslike natuur, nie. Nee, Hy word uit Maria gebore en is voluit mens. Daarmee bevestig God sy trou: Hy wil hierdie wêreld, en daarmee natuurlik veral die mense van hierdie wêreld, red. As Jesus nie uit Maria gebore is nie, was die verlossing geen egte verlossing nie.

Maar dit is! Jesus was ’n egte mens. Die verlossing wat Hy bring, is eg. My verlossing ook. Hy kan my ou lewe heeltemal oormaak. Al is ek ’n paar ou, uitgetrapte skoene.

As Jesus nie uit Maria gebore is nie, was die verlossing geen egte verlossing nie.

Jesus, dankie dat U my nie vertrap nie, al is my menslike natuur dié van ’n paar deurtrapte skoene. Amen.

Johan Cilliers

Inspirasievennoot

Boodskap vir Vandag is ’n reeks inspirerende elektroniese dagstukkies wat daagliks duisende lesers bereik. Ons doel is om Christene te bemoedig, uit te daag, te ondersteun en te inspireer.

Indien jy nie die daaglikse e-pos ontvang nie, maak asseblief seker dat jou SPAM-filters dit nie verwyder nie.
Jy besoek nou LiG, ons susters-publikasie se webtuiste, propvol inspirerende getuienisse. LiG-getuig: Waar elke getuienis tel. By LiG is ons toegewyd om inspirerende stories te deel wat die hart aanraak en hoop bied. Jy besoek nou ons susters-organisasie se webtuiste, propvol inspirerende getuienisse.

Daaglikse Inspirasie

Die Boodskap vir Vandag-app is nou beskikbaar vir jou selfoon.
Installeer dit vandag nog.