Boodskap vir Vandag

Search
Close this search box.
Search

Intermezzo

“Hierdie Jesus wat van julle af na die hemel toe opgeneem is, sal net so terugkom soos julle Hom na die hemel toe sien opgaan het” (Hand 1:11).

Die tweede waarborg wat die hemelvaart ons bied, is dat dieselfde Jesus wat hemel toe opgevaar het, weer sal kom! Terwyl die hartseer dissipels gestaan en kyk het hoe Jesus in die wolke verdwyn, het daar twee engele verskyn wat hulle verseker het: “Hierdie Jesus … sal net so terugkom soos julle Hom na die hemel toe sien opgaan het” (Hand 1:11).

Die hemelvaart self is al wonderlik, want dit vul ons lewe én ons dood nou reeds met die grootste betekenis denkbaar. As gevolg daarvan is Jesus oral en altyd by ons; word die evangelie oor die wêreld heen verkondig; het ons ’n Voorspraak in die hemel … Maar die beste lê nog voor! Die hemelvaart is ’n voorlopige gebeurtenis, ’n intermezzo, voor die manjifieke laaste beweging van die groot Simfonie begin: Jesus se wederkoms.

Die hemelvaart gee ons dus bowenal hoop.

Dit onderstreep die feit dat die geskiedenis en daarom ons lewe nie ’n geslote geheel is nie. Wat met ons in die tyd van die “tussenspel” gebeur, is nie maar net ’n reeks gebeurtenisse wat deur die noodlot gedryf word nie. Ons is iewers heen op pad.

Alles wat elke dag met ons gebeur, van die ongelukkigheid by die werk of skool tot die frustrasie van ’n pap band, is nie toeval nie. Alles loop uit op ’n einde: dié dag wanneer Jesus weer kom.

Tel daarom jou kop op en kyk vorentoe.

Boontoe.

Tel jou kop op en kyk vorentoe. Boontoe. Spits jou ore en hoor nou in die tussenspel reeds die akkoorde van die groot finale.

Jesus, tel U my kop op. En my voete. Rig my hart op die klanke van u wederkoms. Amen.

Johan Cilliers

Inspirasievennoot

Boodskap vir Vandag is ’n reeks inspirerende elektroniese dagstukkies wat daagliks duisende lesers bereik. Ons doel is om Christene te bemoedig, uit te daag, te ondersteun en te inspireer.

Indien jy nie die daaglikse e-pos ontvang nie, maak asseblief seker dat jou SPAM-filters dit nie verwyder nie.
Jy besoek nou LiG, ons susters-publikasie se webtuiste, propvol inspirerende getuienisse. LiG-getuig: Waar elke getuienis tel. By LiG is ons toegewyd om inspirerende stories te deel wat die hart aanraak en hoop bied. Jy besoek nou ons susters-organisasie se webtuiste, propvol inspirerende getuienisse.

Daaglikse Inspirasie

Die Boodskap vir Vandag-app is nou beskikbaar vir jou selfoon.
Installeer dit vandag nog.