Boodskap vir Vandag

Search
Close this search box.
Search

Kosmetiek is nie weergeboorte nie

“Elke boom word aan sy eie vrugte geken” (Luk 6:44).

Die Heilige Gees moet ons van binne af nuut maak. Alle uiterlike pogings van ons kant om dit te doen is tot mislukking gedoem. En hoe dikwels probeer ons dit nie doen nie! Ons beoefen graag godsdienstige kosmetiek. Ons probeer onsself voor God mooi maak, opsmuk, ons foute verdoesel. Die ruïnes van ons ou bestaan so ’n bietjie (of baie!) toepleister, restoureer. Dan lyk dit selfs asof ons groot aanpassings gemaak het: Ons gaan meer kerk toe, tree met meer liefde op teenoor daardie mense wat ons so irriteer, lees selfs die Bybel meer en bid meer gereeld …

Aanpassing is egter nog nie verandering nie! Kosmetiek is nie weergeboorte nie. Gerestoureerde ruïnes is nie ’n nuwe huis nie. Ons moet nuut lewe, want iemand wat aan Christus behoort, is ’n nuwe mens. Die oue is verby, die nuwe het gekom (2 Kor 5:17). ’n Mens kan al die suurlemoene van ’n suurlemoenboom afpluk en in hulle plekke lemoene plak in ’n poging om die suurlemoenboom ’n lemoenboom te maak. Ná ’n rukkie sal die lemoene verrot en op die grond val. Want ’n suurlemoenboom bly ’n suurlemoenboom en ’n lemoenboom ’n lemoenboom!

Jesus het gesê: “Elke boom word aan sy eie vrugte geken” (Luk 6:44). Watter soort boom is jy? Watter vrugte dra jy?

Ons moet nuut leef, want iemand wat aan Christus behoort, is ’n nuwe mens.

Gees van God, maak my u boom wat u vrugte dra. Amen.

Johan Cilliers

Inspirasievennoot

Boodskap vir Vandag is ’n reeks inspirerende elektroniese dagstukkies wat daagliks duisende lesers bereik. Ons doel is om Christene te bemoedig, uit te daag, te ondersteun en te inspireer.

Indien jy nie die daaglikse e-pos ontvang nie, maak asseblief seker dat jou SPAM-filters dit nie verwyder nie.
Jy besoek nou LiG, ons susters-publikasie se webtuiste, propvol inspirerende getuienisse. LiG-getuig: Waar elke getuienis tel. By LiG is ons toegewyd om inspirerende stories te deel wat die hart aanraak en hoop bied. Jy besoek nou ons susters-organisasie se webtuiste, propvol inspirerende getuienisse.

Daaglikse Inspirasie

Die Boodskap vir Vandag-app is nou beskikbaar vir jou selfoon.
Installeer dit vandag nog.