Boodskap vir Vandag

Search
Close this search box.
Search

Haaks op die wêreld

“Ek bid nie dat U hulle uit die wêreld moet wegneem me, maar dat U hulle van die Bose moet bewaar” (Joh 17:15).

Die kerk is “anders” as die wêreld, en hierdie andersheid moet sigbaar wees om ’n impak te kan hê. Ons mag daarom nooit so deel van die wêreld rondom ons word dat die verskil tussen kerk en wêreld geheel en al opgehef word nie. 1 Petrus 2:11 sê ons, die kerk, moet altyd soos “vreemdelinge en bywoners” bly – in die wêreld, maar nie van die wêreld nie (Joh 17:15-16). Wanneer kerk en wêreld so gladweg soos ’n handskoen en ’n hand op mekaar begin pas, is dit tyd vir besinning. Die kerk en die wêreld behoort eerder altyd ’n bietjie haaks te bly.

Jy ken dalk die bekende vraag: As jy daarvan aangekla sou word dat jy ’n Christen is, sou daar genoeg getuienis wees om jou skuldig te bevind? Dink ’n bietjie hieroor na. Is jou lewe anders? Leef jy volgens ander beginsels as die gemiddelde wêreldling? Is jy opvallend ’n Christen?

Kom ons wees prakties: Sal jou man, vrou, kinders, meisie, ou, kollegas, klasmaats vandag kan sien dat jy ’n Christen is op grond van jou woorde? Sal hulle veral uit jou dade (want woorde is maklik!) kan aflei dat jy onder die heerskappy van ’n ander Here, naamlik Jesus Christus, leef? Of is jy maar “een van die groep”?

Maak ’n lysie van die getuienis wat teen jou as Christen in die beskuldigdebank ingebring sou kon word. Dalk staan jy beskaam. Ek weet in my geval is die lysie maar kort.

As jy daarvan aangekla sou word dat jy ’n Christen is, sou daar genoeg getuienis wees om jou skuldig te bevind?

Here, ’n aanklag dat ek ’n Christen is, sal my aankla dat ek nie ’n Christen is nie. Verander my! Amen.

Johan Cilliers

Inspirasievennoot

Boodskap vir Vandag is ’n reeks inspirerende elektroniese dagstukkies wat daagliks duisende lesers bereik. Ons doel is om Christene te bemoedig, uit te daag, te ondersteun en te inspireer.

Indien jy nie die daaglikse e-pos ontvang nie, maak asseblief seker dat jou SPAM-filters dit nie verwyder nie.
Jy besoek nou LiG, ons susters-publikasie se webtuiste, propvol inspirerende getuienisse. LiG-getuig: Waar elke getuienis tel. By LiG is ons toegewyd om inspirerende stories te deel wat die hart aanraak en hoop bied. Jy besoek nou ons susters-organisasie se webtuiste, propvol inspirerende getuienisse.

Daaglikse Inspirasie

Die Boodskap vir Vandag-app is nou beskikbaar vir jou selfoon.
Installeer dit vandag nog.