Boodskap vir Vandag

Search
Close this search box.
Search

Die laaste sê

Lees Handelinge 10:34-43.

“Hulle het Hom doodgemaak deur Hom aan die kruis te hang. Maar God het Hom op die derde dag uit die dood opgewek” (v 39-40).

Petrus lewer hier weer die soort praatjie wat meermale in hierdie Handelingeverhaal voorkom: ’n kort opsomming van Jesus se werk, en veral die betekenis daarvan. Toegepas op die plaaslike situasie en die apostels se roeping. Eintlik word dié redevoering dan niks minder nie as ’n preek – of hoe?

Want soos in elke goeie preek – dit wil sê dié waarin die Goeie Nuus onverdun verkondig word – speel die veelseggende kort frase “maar God” (v 40), waarmee ons reeds kennis gemaak het, ook hier ’n sleutelrol. Waar die diepte van menslike hulpeloosheid in die preek beskryf word, word gesê hoe dit deur ’n beslissende Goddelike ingryping omgekeer word. Alles in hierdie trant: Toe die boosheid dreig om alles te vernietig, het God gewys dat Hy die Bose oorwin het. Toe sy skepping en sy skepsels in die ergste benoudheid was en God die hulpkrete gehoor het, het Hy gesê: Tot hiertoe en nie verder nie!

Daar is geen groter ingryping as dié nie. Toe die laaste vyand, die dood, kraai soos hy lag, maak God hom vir ewig stil. Die dood het glo die laaste woord oor die lewe, maar God se ingryping toe Hy Jesus uit die dood laat opstaan het, dít is die laaste een. Punt.

Ja, die laaste sê in lewe en in dood behoort altyd, en vir altyd, aan God.

Dit is my ewige troos, Here Jesus, dat U lewe. Dat ook ek sal lewe, al het ek gesterf.

Barend Vos

Inspirasievennoot

Boodskap vir Vandag is ’n reeks inspirerende elektroniese dagstukkies wat daagliks duisende lesers bereik. Ons doel is om Christene te bemoedig, uit te daag, te ondersteun en te inspireer.

Indien jy nie die daaglikse e-pos ontvang nie, maak asseblief seker dat jou SPAM-filters dit nie verwyder nie.
Jy besoek nou LiG, ons susters-publikasie se webtuiste, propvol inspirerende getuienisse. LiG-getuig: Waar elke getuienis tel. By LiG is ons toegewyd om inspirerende stories te deel wat die hart aanraak en hoop bied. Jy besoek nou ons susters-organisasie se webtuiste, propvol inspirerende getuienisse.

Daaglikse Inspirasie

Die Boodskap vir Vandag-app is nou beskikbaar vir jou selfoon.
Installeer dit vandag nog.