Boodskap vir Vandag

Search
Close this search box.
Search

Verbondenheid

Lees Johannes 15:1-4.

“Julle moet in My bly en Ek in julle” (v 4).

Daar is sekerlik geen ander geleentheid waar Jesus ’n duideliker prentjie van die verbintenis tussen sy Vader, Homself en sy navol­gers skets nie. Selfs ons, eeue later, kan dit begryp.

Die beskrywing is skerp en op die man af. Skerp, en seer, dié woorde: snoei reg, sny af. Die toets of die snoeiskêr ingelê gaan word, is “vrugte dra” (v 2). Eintlik, sal sommige dalk sê, word dit ’n ultimatum, selfs ’n dreigement: Dra vrugte, óf …!

Dalk is dit eerder ’n pleitrede, ’n mooivra: Asseblief, moenie van My af los raak nie! En hoor tog hierdie troos: “Julle is alreeds reg gesnoei deur die woorde wat Ek vir julle gesê het” (v 3).

Die woorde …

Miskien is dit die uitweg vir brose, meestal weerlose lote soos ons: Luister na sy woorde, neem dit ter harte, lewe daarvolgens. Dit kan tog nie te moeilik wees nie, want hierdie woorde kom nie van ver af nie en beslis ook nie van bo nie; dit kom van binne. Dit vloei uit die wingerdstok voort en stu soos lewegewende sap deur die lote. Dit bring nuwe lewe voort. Dit maak die lote soepel, buigsaam. En dit maak die snoeiskêr oorbodig.

Wanneer daar egter ’n blokkasie intree, wanneer die loot ver­droog en uiteindelik van die wingerdstok los raak, begin die moei­likheid. Geen nuwe groei meer nie, beslis geen vrug nie. Die snoeiskêr is op pad. Want die Jesuswoorde het iewers gestol. Dit is voorgekeer en weggewerk. En die verval is onafwendbaar.

Hou aan om met my te praat, Here Jesus! U woorde hou my aan die lewe.

Barend Vos

Inspirasievennoot

Boodskap vir Vandag is ’n reeks inspirerende elektroniese dagstukkies wat daagliks duisende lesers bereik. Ons doel is om Christene te bemoedig, uit te daag, te ondersteun en te inspireer.

Indien jy nie die daaglikse e-pos ontvang nie, maak asseblief seker dat jou SPAM-filters dit nie verwyder nie.
Jy besoek nou LiG, ons susters-publikasie se webtuiste, propvol inspirerende getuienisse. LiG-getuig: Waar elke getuienis tel. By LiG is ons toegewyd om inspirerende stories te deel wat die hart aanraak en hoop bied. Jy besoek nou ons susters-organisasie se webtuiste, propvol inspirerende getuienisse.

Daaglikse Inspirasie

Die Boodskap vir Vandag-app is nou beskikbaar vir jou selfoon.
Installeer dit vandag nog.