Boodskap vir Vandag

Search
Close this search box.
Search

Wonderwerker

Lees Markus 5:21-23, 35-42.

Die mense was stom van verbasing (v 42).

Jesus se genesings was nog altyd groot nuus, destyds en steeds. Die Evangelieverhale wat oor sulke wonderwerke handel, is van die be­kendstes. Gelowiges ken dit goed, hul leraars preek gereeld daaroor.

Buitendien is die verhaal van Jaïrus se sterwende dogtertjie werd om dikwels gehoor te word. Markus vertel dit in besonder­hede, en sy lesers hoor die kommer in Jaïrus se stem wanneer hy voor Jesus neerval en Hom soebat. Asook die geweeklaag van die mense, wat Jesus noop om hulle stil te maak. Ons hoor hoe Jesus uitgelag word toe Hy sê die kind slaap net.

Dan sien die lesers, verwonderd soos die ander wat daar teen­woordig was, hoe Hy die kind se hand vat en sê sy moet opstaan. Hoe netnou se rasendes nou stilbly. Ja, sê Jesus, en hou nou maar jul mond!

Daar was gereeld ’n gedruis rondom Jesus. Diegene wat reken dat hulle van beter weet, wat ander wou reghelp. Ook dié keer. Hulle het hul hande in die lug gegooi, te kere gegaan. Te laat! het hulle geween. Te laat!

Dan kos dit Jesus om hulle wat na Hom opsien, dié wat hul afhanklikheid van Hom openlik verklaar het, gerus te stel. Om hulle te beskerm teen die slimmighede, die beterweterigheid, die krokodiltrane.

Want sy wonderwerke gebeur nie net langs siekbeddens nie. Dit blyk keer op keer wanneer Hy by beangste mense langs die pad vertoef, hulle aanhoor en onder sy vlerk neem.

Wanneer Hy vir hulle sê: Glo Mý maar, moet jou nie ontstel nie.

Ek hoor u stem, Here! Ek sien u krag. Ek voel u arms wat my dra. Ek glo U!

Barend Vos

Inspirasievennoot

Boodskap vir Vandag is ’n reeks inspirerende elektroniese dagstukkies wat daagliks duisende lesers bereik. Ons doel is om Christene te bemoedig, uit te daag, te ondersteun en te inspireer.

Indien jy nie die daaglikse e-pos ontvang nie, maak asseblief seker dat jou SPAM-filters dit nie verwyder nie.
Jy besoek nou LiG, ons susters-publikasie se webtuiste, propvol inspirerende getuienisse. LiG-getuig: Waar elke getuienis tel. By LiG is ons toegewyd om inspirerende stories te deel wat die hart aanraak en hoop bied. Jy besoek nou ons susters-organisasie se webtuiste, propvol inspirerende getuienisse.

Daaglikse Inspirasie

Die Boodskap vir Vandag-app is nou beskikbaar vir jou selfoon.
Installeer dit vandag nog.