Boodskap vir Vandag

Search
Close this search box.
Search

Wysheid

Lees Psalm 111.

Wysheid begin met die dien van die Here; almal wat dit doen, het ware insig (v 10).

Dit klink so mooi, so reg. Dit glip so maklik van die gelowige se tong af. “Wysheid begin met die dien van die Here.”

Solank gelowiges weet dat dit vir baie mense na opregte onsin klink. Selfs, sal diesulkes giggel, na ware waansin. Hulle sal sê: Wysheid word verwerf. Jy betáál daarvoor. Dit kom eers ná sukkel en swaarkry, ná probeer en tref, ná eksperiment en mislukking. Ná skade en skande.

Gee hulle dit maar toe, liewe gelowige. Daar is wysheid in hul sinisme.

Hoekom sal jy dit wil ontken? Gelowiges is mos oopkop. Hulle gaan met oop oë en oop ore deur die lewe. Hul hart is oop vir nuwe kennis, nuwe insigte, nuwe wysheid. Gelowiges omhels die wetenskap in al sy rykdom. Hulle verwonder hulle oor nuwe ont­dekkings, klap hande vir die kleinste nuwe atoom, staan verbyster oor die grootsheid van ’n nuwe verre ster.

Gelowiges praat graag saam oor hul beperkte kennis. Instem­mend sing hulle: “How small we are, how little we know.”

Daarom het dit by gelowiges tweede natuur geword, ná die moeisame aflegging van hul slimmighede en die afskeid van al hul gewaande ingeligtheid, om laag te buig voor Hom wat die Gewer van alle wysheid is.

Gelowiges weet dat hul kennis voorlopig is, dat dit op sy beste is soos om in ’n dowwe spieël te kyk en ’n raaiselagtige beeld te sien. Hiermee het hulle vrede, want, sê hulle graag, en met oortuiging, die Here alleen weet.

Genadiglik het U my lankal van al my slimmighede verlos. Gee my wysheid, Here, laat my dien.

Barend Vos

Inspirasievennoot

Boodskap vir Vandag is ’n reeks inspirerende elektroniese dagstukkies wat daagliks duisende lesers bereik. Ons doel is om Christene te bemoedig, uit te daag, te ondersteun en te inspireer.

Indien jy nie die daaglikse e-pos ontvang nie, maak asseblief seker dat jou SPAM-filters dit nie verwyder nie.
Jy besoek nou LiG, ons susters-publikasie se webtuiste, propvol inspirerende getuienisse. LiG-getuig: Waar elke getuienis tel. By LiG is ons toegewyd om inspirerende stories te deel wat die hart aanraak en hoop bied. Jy besoek nou ons susters-organisasie se webtuiste, propvol inspirerende getuienisse.

Daaglikse Inspirasie

Die Boodskap vir Vandag-app is nou beskikbaar vir jou selfoon.
Installeer dit vandag nog.