Boodskap vir Vandag

Search
Close this search box.
Search

Vreemd …

Lees Markus 7:24-37.

Jesus het die mense belet om dit vir iemand anders te vertel, maar hoe meer Hy hulle belet het, hoe meer het hulle dit verkondig (v 36).

Daar is heelwat oor hierdie twee genesings te sê. By een was ’n man betrokke wat nie kon praat nie, by die ander ’n vrou wat nie haar mond kon hou nie. En uiteindelik is daar ’n skare wat ten spyte van Jesus se verbod sonder ophou hieroor gebabbel het.

Dit kon kwalik meer uiteenlopend wees: Daar was die vrou wie se kind siek was, wat vir Jesus gevra het om Hom oor die kind te ontferm. Maar die vrou was ’n buitelander, ’n nie-Jood, en sy beroep haar op die Joodse wonderwerker. Hy wys haar daarop dat sy agter in die ry moet gaan inval.

Maar sy, nie op haar mond geval nie en min gepla oor die pro­tokol, antwoord Hom nogal skerp. Hy gee dadelik toe aan haar versoek, “op grond van wat jy gesê het” (v 29).

Dan was daar die doofstom man. Hy kon niks sê nie. Ander mense praat namens hom en vra dat Jesus hom moet aanraak. Hy doen dit toe nadat Hy die man eenkant geneem het, en sy dubbele gebrek word genees. Toe begin die tonge klap …

Dit is nogal iets om oor te praat! Teoloë het deur die eeue heel­wat hieroor te sê gehad, ook oor Jesus se swygopdrag. Maar om oor Jesus se barmhartigheid te praat, die bekendheid én die vreemdheid daarvan, herinner ons dalk aan die dankbaarheid wat ons aan Hom verskuldig is.

Dalk begin ons dan sommer ook vertel wat Hy alles vir ons gedoen het.

Tot vandag toe, Here, genees U mense soos ek. En luister U geduldig.

Barend Vos

Inspirasievennoot

Boodskap vir Vandag is ’n reeks inspirerende elektroniese dagstukkies wat daagliks duisende lesers bereik. Ons doel is om Christene te bemoedig, uit te daag, te ondersteun en te inspireer.

Indien jy nie die daaglikse e-pos ontvang nie, maak asseblief seker dat jou SPAM-filters dit nie verwyder nie.
Jy besoek nou LiG, ons susters-publikasie se webtuiste, propvol inspirerende getuienisse. LiG-getuig: Waar elke getuienis tel. By LiG is ons toegewyd om inspirerende stories te deel wat die hart aanraak en hoop bied. Jy besoek nou ons susters-organisasie se webtuiste, propvol inspirerende getuienisse.

Daaglikse Inspirasie

Die Boodskap vir Vandag-app is nou beskikbaar vir jou selfoon.
Installeer dit vandag nog.