Boodskap vir Vandag

Search
Close this search box.
Search

Nuwe moontlikhede

Lees Psalm 126.

Toe die Here die lot van Sion verander het, was dit vir ons soos ’n droom. Ons het gelag en gesing … Verander tog ook nou ons lot, Here (v 1-4).

Hoop is die mens se vernaamste kos. Jy weet lankal jy kan nie net van brood lewe nie; jy raap elke krummeltjie hoop op wat uit God se mond kom (Deut 8:3). En wie het gesê waar daar hoop is, is daar lewe?

Ware hoop groei nie in ’n lugleegte nie; sy wortels is deeglik in die geskiedenis geanker. Daarom is hierdie psalmdigter se hoop­volle uitroep dat die Here tog nuwe moontlikhede vir sy mense sal skep, gegrond op dit wat Hy, hul Hoopgewer, reeds in die verlede vir hulle gedoen het. U hét dit mos destyds gedoen, sê hulle, U moet tog nou weer so maak.

Die Here sál. Dit is die digter se vaste oortuiging. Daarom ver­oorloof hy hom solank ’n droom – water in die dorsland, trane wat ’n jubeling word, ’n skitterende oes.

Ja, hoop voed ook jou drome. Dit gee kleur aan die vrolike prentjies in jou geestesoog, dit vuur die dimensies daarvan aan. Want wanneer jy só droom, is dit veel meer as daardie geykte ou dagdroompies waarmee jy eintlik maar jou kosbare tyd vermors.

Drome wat uit ware hoop ontspring, het nie brieke nie. Dit word nie deur ander se goedbedoelde vermanings soos “gebruik jou gesonde verstand” en “wees realisties” aan bande gelê nie. Hoop­volle mense droom groot, want hul God is groot.

Sing ook maar daaroor. Hy sal altyd die God van nuwe moont­likhede wees. Hy wat beveel en dit geskied, Hý is die Here van ons lied.

Ons sal sing en dans en by voorbaat jubel: Dankie, dankie, dankie, Here!

Barend Vos

Inspirasievennoot

Boodskap vir Vandag is ’n reeks inspirerende elektroniese dagstukkies wat daagliks duisende lesers bereik. Ons doel is om Christene te bemoedig, uit te daag, te ondersteun en te inspireer.

Indien jy nie die daaglikse e-pos ontvang nie, maak asseblief seker dat jou SPAM-filters dit nie verwyder nie.
Jy besoek nou LiG, ons susters-publikasie se webtuiste, propvol inspirerende getuienisse. LiG-getuig: Waar elke getuienis tel. By LiG is ons toegewyd om inspirerende stories te deel wat die hart aanraak en hoop bied. Jy besoek nou ons susters-organisasie se webtuiste, propvol inspirerende getuienisse.

Daaglikse Inspirasie

Die Boodskap vir Vandag-app is nou beskikbaar vir jou selfoon.
Installeer dit vandag nog.