Boodskap vir Vandag

Search
Close this search box.
Search

Nuwe ruimte

Lees Psalm 118:5-9.

Die Here is by my, ek ken geen vrees nie; wat kan ’n mens aan my doen? (v 6).

Here, in ons benoude bestaan het ons gereeld
’n behoefte aan u ruim perspektief op sake.
U sien mos verder en dieper.
U ken ons omstandighede
en ons vyande
– gewaan én werklik –
beter as ons.
Ons leef immers in u koelte.

Ek roep U gereeld in
– asof U nie die skadu aan my regterhand is nie! –
en sê: “Here! Kom help!”
Dan antwoord U my deur my los te maak van vrees.
U maak vir my plek, selfs nader as gewoonlik aan U.

Om op U te mag vertrou
is anders as om my op mense
– juis slimmes en belangrikes – te verlaat:
Dit is nie net u trou wat van heeltemal ander gehalte is nie;
dit is ook u manier om my onder u beskerming te neem …

Kyk, Here, almal weet dat hooggeleerdes en hooggeplaastes
eintlik net hul eie saak wil bevorder;
hul naam wil hoog hou,
en daarom is my noodkreet
wat hulle betref bloot ’n middel
tot ’n doel. Vir hulle is ek net ’n nommer;
’n stowwerige lêer in ’n onderste laai.

Maar vir U maak ek saak.
My vrese geniet u voorkeur.

Dit is ook algemene kennis dat U van altyd af
die blakerende son van my af wegkeer.
Deesdae weet almal dat U ook in tye soos dié
my hoog optel en my in ’n nuwe ruimte laat leef:
die sagte ligkring van u beskerming.
Amen.

Barend Vos

Inspirasievennoot

Boodskap vir Vandag is ’n reeks inspirerende elektroniese dagstukkies wat daagliks duisende lesers bereik. Ons doel is om Christene te bemoedig, uit te daag, te ondersteun en te inspireer.

Indien jy nie die daaglikse e-pos ontvang nie, maak asseblief seker dat jou SPAM-filters dit nie verwyder nie.
Jy besoek nou LiG, ons susters-publikasie se webtuiste, propvol inspirerende getuienisse. LiG-getuig: Waar elke getuienis tel. By LiG is ons toegewyd om inspirerende stories te deel wat die hart aanraak en hoop bied. Jy besoek nou ons susters-organisasie se webtuiste, propvol inspirerende getuienisse.

Daaglikse Inspirasie

Die Boodskap vir Vandag-app is nou beskikbaar vir jou selfoon.
Installeer dit vandag nog.