Boodskap vir Vandag

Search
Close this search box.
Search

’n Plek van aanbidding

Lees 2 Kronieke 5:2-14.

Die klank van trompette … en die loflied … het opgeklink (v 13).

Die tempel is klaar, die lank verwagte aanbiddingsplek wat Salomo in al sy rykdom tot eer van die Here gebou het. Dit is net goud en silwer en brons waar jy kyk, meestervakmanne se spoghandewerk (2 Kron 3–4).

Nou vir die belangrikste: die inbring van die verbondsark, die gewyde draagbaar met die twee wetklippe daarop wat Moses destyds van die berg Horeb af gebring het.

Dit was ’n indrukwekkende prosessie: al die lsraelitiese leiers, die stamhoofde, die familiehoofde, die koning. Die Levitiese priesters, sedert Moses se dae die oppassers en versorgers van hierdie heilige stuk kosbaarheid, dra die verbondsark na sy plek. Toe, soos een, sit die sangers en trompetblasers en die res die noot in en die lofprysing begin: Alle eer kom die Here toe! “Want Hy is goed, aan sy liefde is daar geen einde nie” (v 13).

En toe, só lui die vertelling, het ’n wolk die tempel gevul. Só dig dat die priesters eers moes wag. “Dit was die magtige teenwoordigheid van die Here …” (v 14).

Daar is mense, hedendaagse lesers van dié vertelling, wat dalk hier sal sug en sê: Ek onthou óns kerk se inwyding, destyds. Al die prag, al die gewyde gebeure, die optog, die besonderse musiek. Ons kon die Here se teenwoordigheid behoorlik aanvoel, daardie dag toe ons kerk ingewy is. Ag, waar is die dae …

Ja, waar is die dae toe ’n kerkinwyding groot nuus was, die trompette geblaas is en die kore gesing het? Die lof so hoorbaar was? En die Here se teenwoordigheid so maklik sigbaar?

Here, ek weet U woon nie in geboue nie, maar dankie vir die aanbiddingsplek waar ek tuis is. Vir die hande wat dit jare gelede ook vir my voorberei het.

Barend Vos

Inspirasievennoot

Boodskap vir Vandag is ’n reeks inspirerende elektroniese dagstukkies wat daagliks duisende lesers bereik. Ons doel is om Christene te bemoedig, uit te daag, te ondersteun en te inspireer.

Indien jy nie die daaglikse e-pos ontvang nie, maak asseblief seker dat jou SPAM-filters dit nie verwyder nie.
Jy besoek nou LiG, ons susters-publikasie se webtuiste, propvol inspirerende getuienisse. LiG-getuig: Waar elke getuienis tel. By LiG is ons toegewyd om inspirerende stories te deel wat die hart aanraak en hoop bied. Jy besoek nou ons susters-organisasie se webtuiste, propvol inspirerende getuienisse.

Daaglikse Inspirasie

Die Boodskap vir Vandag-app is nou beskikbaar vir jou selfoon.
Installeer dit vandag nog.