Boodskap vir Vandag

Search
Close this search box.
Search

Die allerbeste wat God het, is joune

Lees 1 Korintiërs 13:1.

Nou wys ek julle wat nog die allerbeste is (v 1).

Sekerlik die bekendste deel van al Paulus se briewe is 1 Korintiërs 13. By troues word hieroor gepreek; digters haal dit graag aan; boeke verwys dikwels hierna, maar om die een of ander rede sukkel gelowiges om wat hier staan behoorlik uit te voer. Paulus beskryf mos die liefde hier. Liefde is dade, dit word gedoen. Ja, liefde is veel meer as net ’n klomp emosies. Agape, die Griekse woord vir liefde, sou selfs hier ook vertaal kon word met die woorde “onverdeelde lojaliteit”.

Nadat Paulus in die eerste drie verse die liefde gekontrasteer het met die grootste geestelike gawes, vertel hy hoe liefde in aksie lyk. Onder meer maak hy dit duidelik dat egte liefde vergeetagtig is. Dit maak dat jy nooit die slegte dinge wat mense doen teen hulle hou nie. Jy maak keer op keer daardie geheime swart notaboekie, waarin jy boekhou van ander se foute, in jou kop toe. Jy “delete” telkens al die negatiewe inligting oor ander wat in jou kop vasgesteek het. Die Here se mense hou immers nooit boek van die kwaad nie. Dit is hoe ons deur die Here gemaak is. Ons verstand, wat deur die Here nuut gemaak is, het nie genoeg geheue of bandwydte om haat en bitterheid te stoor nie. Die liefde neem immers nou al die beskikbare spasie in. Nou is daar net plek vir dade van vergifnis in ons lewe.

Here God, laat ons liefhê soos U ons leer.

Stephan Joubert

Inspirasievennoot

Boodskap vir Vandag is ’n reeks inspirerende elektroniese dagstukkies wat daagliks duisende lesers bereik. Ons doel is om Christene te bemoedig, uit te daag, te ondersteun en te inspireer.

Indien jy nie die daaglikse e-pos ontvang nie, maak asseblief seker dat jou SPAM-filters dit nie verwyder nie.
Jy besoek nou LiG, ons susters-publikasie se webtuiste, propvol inspirerende getuienisse. LiG-getuig: Waar elke getuienis tel. By LiG is ons toegewyd om inspirerende stories te deel wat die hart aanraak en hoop bied. Jy besoek nou ons susters-organisasie se webtuiste, propvol inspirerende getuienisse.

Daaglikse Inspirasie

Die Boodskap vir Vandag-app is nou beskikbaar vir jou selfoon.
Installeer dit vandag nog.