Boodskap vir Vandag

Search
Close this search box.
Search

God het my lief

Lees 2 Tessalonisense 2:13.

Die Here het julle lief ( v 13).

Die Here het my lief! Dit is ondenkbaar. Om te dink dat God ’n brief spesiaal laat skryf om vir my te sê Hy het my lief. Ek, wat soveel foute het en my vingerafdrukke op elke sonde agtergelaat het. Hoe is dit moontlik dat die Here my liefhet?

Die antwoord is dat God my liefhet ten spyte van myself, nie as gevolg van myself nie. Hier op aarde het ons mekaar meestal lief as gevolg van … Ons hou van ander omdat hulle oulik, mooi, ryk, vriendelik, en wat nog alles, is. God se liefde staan nie in direkte verhouding tot ons geestelike prestasies soos baie kerkmense dink nie. Ons glo mos dat God ons nie meer liefhet as ons sonde doen nie. Of dat Hy niks meer vir ons omgee as dit met ons swaar gaan nie. Dit is nie waar nie.

God het ons lief ten spyte van onsself. Hy het kant gekies vir ons. Hy het besluit om sy hand groot oop te maak oor ons. Sy liefde sê oneindig meer oor Homself as oor ons. Dit sê dat God ’n liefdevolle, ontfermende God is. Dit sê dat Hy ons ’n tweede en ’n derde en ’n vierde kans gee omdat Hy ons liefhet. Weet dit, glo dit en beleef dit. Moenie sy liefde goedkoop maak met jou ongehoorsaamheid nie.

Here, dankie dat U my liefhet.

Stephan Joubert

Inspirasievennoot

Boodskap vir Vandag is ’n reeks inspirerende elektroniese dagstukkies wat daagliks duisende lesers bereik. Ons doel is om Christene te bemoedig, uit te daag, te ondersteun en te inspireer.

Indien jy nie die daaglikse e-pos ontvang nie, maak asseblief seker dat jou SPAM-filters dit nie verwyder nie.
Jy besoek nou LiG, ons susters-publikasie se webtuiste, propvol inspirerende getuienisse. LiG-getuig: Waar elke getuienis tel. By LiG is ons toegewyd om inspirerende stories te deel wat die hart aanraak en hoop bied. Jy besoek nou ons susters-organisasie se webtuiste, propvol inspirerende getuienisse.

Daaglikse Inspirasie

Die Boodskap vir Vandag-app is nou beskikbaar vir jou selfoon.
Installeer dit vandag nog.