Boodskap vir Vandag

Search
Close this search box.
Search

Vertrou onverskrokke op God

Lees Handelinge 12:6-11.

Meteens staan daar ’n engel van die Here (v 7).

Die haat het weer opgevlam. Jakobus, die groot apostel van die Here, is doodgemaak en ’n klompie gemeentelede is mishandel. Boonop is Petrus, die steunpilaar van die kerk in Jerusalem, in die tronk gegooi. Sy lewe het aan ’n draadjie gehang.

Die nag voor Petrus se verhoor en moontlike teregstelling is hy deur sestien soldate opgepas. Hy was selfs aan twee wagte vasgeketting. Maar dit het Petrus nie te veel ontstel nie. Hy het rustig aan die slaap geraak. Toe verskyn daar ’n engel van die Here in die tronk. Petrus het so vas geslaap dat hy nie eens die glans van die engel raakgesien het nie. Praat van geloofsvertroue – nie eens ’n engel kon sy rustige nagrus versteur nie! Daarom moes die engel hom wakker maak en uit die tronk lei.

Die Here se mense hou deur dik en dun aan Hom vas. Hulle verwag die onmoontlike van God. Daarom slaap hulle rustig te midde van die grootste gevaar. Daarom vertrou hulle onverskrokke op God, al weet hulle nie wat môre en oormôre gaan oplewer nie. Staan vandag aan die kant van diegene wat God se hand nooit laat los nie.

Here Jesus, ek hou net aan U vas.

Stephan Joubert

Inspirasievennoot

Boodskap vir Vandag is ’n reeks inspirerende elektroniese dagstukkies wat daagliks duisende lesers bereik. Ons doel is om Christene te bemoedig, uit te daag, te ondersteun en te inspireer.

Indien jy nie die daaglikse e-pos ontvang nie, maak asseblief seker dat jou SPAM-filters dit nie verwyder nie.
Jy besoek nou LiG, ons susters-publikasie se webtuiste, propvol inspirerende getuienisse. LiG-getuig: Waar elke getuienis tel. By LiG is ons toegewyd om inspirerende stories te deel wat die hart aanraak en hoop bied. Jy besoek nou ons susters-organisasie se webtuiste, propvol inspirerende getuienisse.

Daaglikse Inspirasie

Die Boodskap vir Vandag-app is nou beskikbaar vir jou selfoon.
Installeer dit vandag nog.