Boodskap vir Vandag

Search
Close this search box.
Search

Herinner God gereeld!

Lees Jesaja 62:6.

Julle wat die Here aan sy beloftes moet herinner, julle moenie stilbly nie (v  6).

Een van die aangrypendste uitsprake in die Bybel tref ons hier in vers 6 aan waar God sy volk oproep om Hom te herinner aan sy belofte dat Hy hulle sal herstel.

Die Here vra vir gewone mense dat hulle Hom moet bly herinner aan wat Hy belowe! Aangrypend. Natuurlik doen Hy dit nie omdat Hy vergeetagtig is of so iets nie. Nee, die Here weet maar alte goed wat Hy vir ons belowe. Maar Hy wil deurentyd daaraan herinner word deur sy kinders. In ons gebede moet ons van vroeg tot laat aan sy hemelse deur bly klop en vir Hom sê watter beloftes Hy aan ons gemaak het.

God staan reg om goed te doen. Hy is op die punt om sy seën oor die ganse aarde uit te strooi. Sy geregtigheid moet immers vir almal sigbaar word. Maar dan moet sy eie mense nie huiwer om te kom staan in die voorhowe van die hemel en onverskrokke met Hom bly praat oor al sy beloftes nie. Jy ook nie. Jy moet dag vir dag by sy hemelse deur opdaag om met God oor sy groot beloftes te praat. Jy moet aanhou klop en vra totdat Hy sy beloftes nakom. Moenie dat ’n enkele dag verbygaan sonder dat jy op jou pos voor sy deur was nie. Maar kom asseblief elke keer daar aan met sy beloftes uit die Woord. En pleit dat Hy hulle sal hou. Hy wag op jou om dit vandag van Hom te kom vra!

Here, dankie dat U laag afbuig na klein mensies toe.

Stephan Joubert

Inspirasievennoot

Boodskap vir Vandag is ’n reeks inspirerende elektroniese dagstukkies wat daagliks duisende lesers bereik. Ons doel is om Christene te bemoedig, uit te daag, te ondersteun en te inspireer.

Indien jy nie die daaglikse e-pos ontvang nie, maak asseblief seker dat jou SPAM-filters dit nie verwyder nie.
Jy besoek nou LiG, ons susters-publikasie se webtuiste, propvol inspirerende getuienisse. LiG-getuig: Waar elke getuienis tel. By LiG is ons toegewyd om inspirerende stories te deel wat die hart aanraak en hoop bied. Jy besoek nou ons susters-organisasie se webtuiste, propvol inspirerende getuienisse.

Daaglikse Inspirasie

Die Boodskap vir Vandag-app is nou beskikbaar vir jou selfoon.
Installeer dit vandag nog.