Boodskap vir Vandag

Search

Doen alles wat God van jou vra

Lees Genesis 7:5.

Noag het alles gedoen soos die Here hom beveel het (v  5).

Partykeer vra geloof dat ’n mens die onmoontlike vir God moet doen – soos wat met Noag die geval was. Om ’n reuseboot in die middel van ’n droë landstreek te bou en boonop vir almal rondom jou te vertel daar kom binnekort ’n groot oorstroming, vra leeuemoed. Nee, dit vra onverskrokke geloof in God. Maar Noag was bereid om dit te doen. Al het sy bure hom vreemd aangekyk en hulle koppe meewarig geskud oor sy “koddige optrede”, het Noag maar net aanhou bou. Daarna het hy boonop al wat ’n dier is geduldig begin aankeer na sy boot toe. Almal in die buurt het seker lekker geskinder oor ou Noag en sy vreemde optrede. Totdat die reën begin val het. En aanhou val het. En die spotstemme uiteindelik doodstil geword het.

Om alles te doen wat die Here jou beveel, vra gehoorsaamheid; dit vra ’n vaste geloofsoortuiging. Ja, dit vra dat jy die Onsienlike moet kan sien. Jy moet kan loop waar ander nie kan of wil loop nie. En jy moet dinge kan hoor waarvoor die wêreld rondom jou heeltemal doof is. Ja, jy moet ’n oor hê wat fyn ingestel is op God se hemelse frekwensie. En ’n oog wat sy wêreld, sy hemelse koninkryk, raaksien agter al die dinge van hierdie wêreld.

Doen vandag wat God van jou vra, selfs al spot ander met jou. Onthou, hulle het met Noag gespot. En wie was op die ou end reg?

Here, hou my gehoorsaam aan U.

Stephan Joubert

Koop ’n Koffie

Ondersteun Christelike inisiatiewe teen die prys van ’n koppie koffie

Koorde vir die Koning

Laat lof weerklink met Christelike musiek

Kamera op die Kruis

Rig ander se fokus op die Here

Kinders van die Lig

Gee geloof en hoop aan kinders

Vriende van Kerkbode

Raak ’n vriend van Kerkbode

Herinneringe van Hoop

Help om herinneringe te bewaar

Building Bridges

Bridging the gap between prisoners and the community

Maak ’n Dankoffer

Deel jou dankbaarheid deur ’n dankoffer

Bybel-Boodskappers

Deel Jesus se boodskap elke dag

Laat ‘n Ligspoor

Laat kinders leef met lig, lag en liefde

Inspirasievennoot

Boodskap vir Vandag is ’n reeks inspirerende elektroniese dagstukkies wat daagliks duisende lesers bereik. Ons doel is om Christene te bemoedig, uit te daag, te ondersteun en te inspireer.

Indien jy nie die daaglikse e-pos ontvang nie, maak asseblief seker dat jou SPAM-filters dit nie verwyder nie.
Jy besoek nou LiG, ons susters-publikasie se webtuiste, propvol inspirerende getuienisse. LiG-getuig: Waar elke getuienis tel. By LiG is ons toegewyd om inspirerende stories te deel wat die hart aanraak en hoop bied. Jy besoek nou ons susters-organisasie se webtuiste, propvol inspirerende getuienisse.