Boodskap vir Vandag

Search
Close this search box.
Search

Moenie geld sê slaaf wees nie

Lees Spreuke 23:1-8.

Moet jou nie afsloof om ryk te word nie en moenie jou sin vir waardes verloor nie (v  4).

Wat gebeur tans in jou lewe? Werk jy jouself flou om ’n goeie toekoms vir jou gesin te verseker? Al jou pogings gaan waarskynlik geen vrugte afwerp nie. As jy ’n werkverslaafde is, is jy tog al lankal ’n vreemdeling vir jou eie mense. Al wat dan nog tel, is werk en geld! En wat help dit as jy almal naby aan jou verloor het? Daar is geen waarborg dat geld kitsgeluk of sukses waarborg nie. In elk geval, as jy ’n geldslaaf is, sal geen hoeveelheid geld ooit genoeg vir jou wees nie.

Dit is nie verkeerd om geld te maak nie, maar daar is fout as jy geld se slaaf word. Geld is ’n harde baas en uiteindelik beroof dit jou van jou gesondheid, jou vreugde, jou gesin en jouself … Hou daarom dadelik op om jouself so vir blink goed af te sloof. Jy gaan ’n hand vol wind vang as dit jou enigste ambisie in die lewe is. Boonop gaan jy God ook nog verloor. Dit is nie ydele woorde nie. Wil jy regtig alles verloor, net omdat geld en besittings jou baas is?

Kies opnuut om saam met God te loop. Dan is jy op koers. Stel jou besittings in sy diens en jy sal altyd meer as genoeg hê.

Here, leer my om nie ’n geldslaaf te wees nie.

Stephan Joubert

Inspirasievennoot

Boodskap vir Vandag is ’n reeks inspirerende elektroniese dagstukkies wat daagliks duisende lesers bereik. Ons doel is om Christene te bemoedig, uit te daag, te ondersteun en te inspireer.

Indien jy nie die daaglikse e-pos ontvang nie, maak asseblief seker dat jou SPAM-filters dit nie verwyder nie.
Jy besoek nou LiG, ons susters-publikasie se webtuiste, propvol inspirerende getuienisse. LiG-getuig: Waar elke getuienis tel. By LiG is ons toegewyd om inspirerende stories te deel wat die hart aanraak en hoop bied. Jy besoek nou ons susters-organisasie se webtuiste, propvol inspirerende getuienisse.

Daaglikse Inspirasie

Die Boodskap vir Vandag-app is nou beskikbaar vir jou selfoon.
Installeer dit vandag nog.