Boodskap vir Vandag

Search
Close this search box.
Search

Bly kalm, wees op jou plek!

Lees Spreuke 25:27-28.

Om te veel heuning te eet, is nie goed nie, ook nie om eer te bly soek nie (v  27).

Wanneer jy jouself trommeldik eet aan lekkernye, weet jy wat die gevolge gaan wees: ’n seer maag en ’n groot naarheid. Wel, wanneer jy te veel aandag soek en gedurig in die kollig wil wees, moet jy ook pyn te wagte wees. Jy gaan siek word vir jouself! Jy gaan te vol van jouself raak en dink jy is die middelpunt van die heelal terwyl jy inderwaarheid maar net ’n klein spikkeltjie iewers langs die kantlyn van die lewe is. Moet dus nie gedurig aandag soek en vis vir komplimente nie. Moenie so verskriklik afhanklik wees van die erkenning van ander nie. Doen jou eie ding. Wees jou eie mens. Buig voor die Here en laat Hy die belangrikste in jou lewe wees.

By die Here leer jy die wonderlikste dinge. As jy bereid is om voor Hom te buig, bedaar die onrus in jou gemoed. Dan kom daar ’n kalm selfbeheersing en rustigheid oor jou wat jou lewe op ’n vaste koers plaas. Dan sal jy nie meer so impulsief optree nie en eers dink voor jy iets doen.

Moenie van vroeg tot laat rondskarrel nie. Kom tot rus. Vind vrede aan die voete van die Heer. Buig in stilte voor Hom neer.

Here, laat my rus vind vir my siel aan u voete.

Stephan Joubert

Inspirasievennoot

Boodskap vir Vandag is ’n reeks inspirerende elektroniese dagstukkies wat daagliks duisende lesers bereik. Ons doel is om Christene te bemoedig, uit te daag, te ondersteun en te inspireer.

Indien jy nie die daaglikse e-pos ontvang nie, maak asseblief seker dat jou SPAM-filters dit nie verwyder nie.
Jy besoek nou LiG, ons susters-publikasie se webtuiste, propvol inspirerende getuienisse. LiG-getuig: Waar elke getuienis tel. By LiG is ons toegewyd om inspirerende stories te deel wat die hart aanraak en hoop bied. Jy besoek nou ons susters-organisasie se webtuiste, propvol inspirerende getuienisse.

Daaglikse Inspirasie

Die Boodskap vir Vandag-app is nou beskikbaar vir jou selfoon.
Installeer dit vandag nog.