Here,
Ek onthou die geloof van my voorouers,
sterk en opreg, soos ouma Loïs en ma Eunice.
Maak my geloof ’n erfenis van vreugde en vertroue.
Laat my kinders U aanroep in kinderlike eenvoud,
selfs wanneer U antwoord “nee” is,
dat ek U stem in alle dinge sal herken.
Gee my die wysheid om ’n rentmeester van geloof te wees,
om vreugde, dankbaarheid en vrede te leef.
Here, mag ek altyd aan U vasklou,
en nie aan die uitkoms nie.
Amen.
