Kyk, Ek gaan iets nuuts doen, dit staan op die punt om te gebeur, julle kan dit al sien kom; Ek maak in die woestyn ʼn pad (Jesaja 43:19).
In sy boek oor seëninge met die titel Benedictus skryf John O’Donohue, die Ierse digter, aangrypend oor die avontuur wat hy “ʼn nuwe begin” noem.
Sy woorde bemoedig almal wat in 2018 met huiwering voor ʼn nuwe begin of uitdaging staan.
Hy begin sy meditasie of seëning deur te verwys na die subtiele ontwaking van daardie diep en dikwels verborge impuls of verlange tot iets nuuts wat in ons almal leef. Luister net:
In out-of-way places of the heart where your thoughts never think to wander, this beginning has been quietly forming … For a long time it has watched your desire … it watched you play with the seduction of safety and the grey promises that sameness whispers.
Dan deel hy iets van die opwinding en vreugde wat deurbreek wanneer jy uiteindelik die moed vind om hierdie nuwe uitdaging of bestemming met oorgawe aan te pak. Luister weer:
Then the delight, when your courage kindled, you stepped out onto new ground, your eyes young again with energy and dream … And though your destination is not yet clear you can trust the promise of this opening … So awaken your spirit to adventure; hold nothing back, learn to find ease in risk; soon you will be home in a new rhythm for your soul senses the world that awaits you.
Vir ʼn gelowige behoort elke dag so ʼn nuwe begin te wees. Veral omdat God, soos Jesaja ervaar het, elke keer nuut met óns begin.
Here my God, leer my vandag weer die avontuur en opwinding van ʼn nuwe begin. En gee my veral die moed daartoe. Amen.
Carl Anthonissen
