Boodskap vir Vandag

Search

Eier

Gee julleself aan God as lewende en heilige offers wat vir Hom aanneemlik is.

– Romeine 12:1

 

Wanneer ek sponskoek bak, sê die resep ek moet die eierwit en die eiergeel van mekaar skei. Ek moet die eierwit en eiergeel in aparte bakke klits en dan albei afsonderlik in dieselfde mengbak byvoeg. Ek wonder altyd hoekom. Op die ou end is die hele eier tog deel van die eindproduk – die gebakte sponskoek.

 

Hierdie skeiding van die eiers laat my dink hoe ons ons lewe dikwels skei. Ons wys die wit deel van onsself in geestelike kringe en die ryker geel deel by ons meer liberale partytjievriende. Die gevolg is dat daar ’n gaping ontstaan in ons eie(r)-identiteit.

 

Ek dink die grootste rede hiervoor is dat gelowiges mekaar se andersheid so vinnig kritiseer en mense wat nie presies soos hulle is nie, maklik verwerp. Deur ons wit en geel dele apart voor te sit, in plaas daarvan om by almal dieselfde roereier te wees, hoop ons om aanvaar te word en op minder tone te trap.

 

As skrywer het ek die deursneemark en die geestelike mark van mekaar begin skei omdat erg konserwatiewe lesers soms nie insig het in die weerspieëling van lewensvatbare karakters wat uit wit én geel bestaan nie. Lesers kan nou kies of hulle net die geestelike eierwit wil opskep en of hulle scrambled eggs wil geniet – met die wit en die geel gemeng vir die deursneemark.

 

Vandag se vers vra dat ons onsself sal gee – nie ’n gedeelte van onsself nie, maar ons héle self – as ’n offer wat vir die Here aanneemlik is. Die Here sien die hele mens. Hy weet wat binne-in ons dop aangaan. Ons is almal roereier.

 

Bruisgebed vir integrasie: Vader, U weet wat binne-in my dop aangaan. Help my om dieselfde roereier voor U en voor mense te wees.

 

Susan Coetzer, Bruistablette vir die lewe, 2018. Gereproduseer met toestemming van Lux Verbi, ’n druknaam van NB-Uitgewers.

No data was found

Inspirasievennoot

‘Selfs ná die grootste val sal jy weer opstaan wanneer God jou oprig,’ – Verlamde oud-rugbyspeler en sy vrou getuig
16 November 2026
Porterville se miracle child: ‘Vir haar is dié soort sportprestasies ’n wonderwerk’
13 November 2026
#2‘God het ons gered sodat ons die ware Jesus kon leer ken’ – Ná jare breek hulle met die kultus
11 November 2026
#1‘God gaan jou vernietig as jy ongehoorsaam is’ – Paartjie lig die sluier ná jare in ’n geslote geloofsgemeenskap
10 November 2026
Boodskap vir Vandag is ’n reeks inspirerende elektroniese dagstukkies wat daagliks duisende lesers bereik. Ons doel is om Christene te bemoedig, uit te daag, te ondersteun en te inspireer.

Indien jy nie die daaglikse e-pos ontvang nie, maak asseblief seker dat jou SPAM-filters dit nie verwyder nie.

Steek ’n kers aan

Laat jou gebed ’n liggie wees in die donker
Jou Naam *
Vir wie is hierdie kers *
Wat is jou gebedsversoek? *
Mag ander saam met jou bid? *
Laat weet ons of jy dit wil deel sodat ander saam kan bid.
Kies 'n gebed

Daaglikse Inspirasie

Die Boodskap vir Vandag-app is nou beskikbaar vir jou selfoon.
Installeer dit vandag nog.