Boodskap vir Vandag

Search

Oor ons vooroordele

Toe het Petrus aan die woord gekom en gesê: “Waarlik, ek begryp nou eers dat God nie onderskeid maak nie” (Handelinge 10:34).

Om ‘n punt te bereik waar jy ‘n ander mens nie alleen verdra nie, maar werklik leer ken as iemand wat jy nodig het, verg liefde wat moedig en opreg is.

Waarskynlik is dit ook die hoogtepunt van ware volwassenheid.

Maar soos ons reeds laat blyk het: Dié weg is nooit maklik nie. Om mee te begin, vereis dit dat ons ons eie, meesal onbewuste en diep verborge vooroordele en wanpersepsies, eerlik sal herken en iets daaraan doen.

En wie is werklik daartoe in staat of bereid?

Miskien kan dit help om te luister na wat Verna Myers, ‘n Amerikaanse konsultant oor diversiteit, oor die werking van vooroordele geskryf het. Sy praat só daaroor:

“Some say they don’t have any biases in their bones. That is not true. Our biases are stories we make up of people before we know who they are. So stop trying to be good people – become real people who are willing to face their own fear, prejudices and biases. Ask yourself the following questions: ‘What is my default? Whom do I trust? What am I afraid of? Whom do I run away from? Whom do I have a connection with?'”

Waarom nie eerlik en in stilte ‘n ruk lank by hierdie laaste vrae vertoef nie? Dít terwyl ons onthou dat Jesus se bedoeling met ons lewe altyd was om ons eerliker en mensliker te maak.

Kortliks, om ons te laat grondvat waar ons vandag leef.

Here God, daar is nog soveel skewe persepsies en vooroordele in ons lewe waarvan ons nie bewus nie. Kom Gees van God, onthul dit aan ons. En maak so van ons eerliker en geduldiger mense. Amen

Carel Anthonissen

No data was found

Inspirasievennoot

#2‘God het ons gered sodat ons die ware Jesus kon leer ken’ – Ná jare breek hulle met die kultus
11 November 2026
#1‘God gaan jou vernietig as jy ongehoorsaam is’ – Paartjie lig die sluier ná jare in ’n geslote geloofsgemeenskap
10 November 2026
‘Die moeilikste deel is nie my gesin wat gesterf het nie, dis dat ék oorleef het’
9 November 2026
Van wagtyd tot verwondering: Die grootste lesse wat infertiliteit ons geleer het
5 November 2026
Boodskap vir Vandag is ’n reeks inspirerende elektroniese dagstukkies wat daagliks duisende lesers bereik. Ons doel is om Christene te bemoedig, uit te daag, te ondersteun en te inspireer.

Indien jy nie die daaglikse e-pos ontvang nie, maak asseblief seker dat jou SPAM-filters dit nie verwyder nie.

Steek ’n kers aan

Laat jou gebed ’n liggie wees in die donker
Jou Naam *
Vir wie is hierdie kers *
Wat is jou gebedsversoek? *
Mag ander saam met jou bid? *
Laat weet ons of jy dit wil deel sodat ander saam kan bid.
Kies 'n gebed

Daaglikse Inspirasie

Die Boodskap vir Vandag-app is nou beskikbaar vir jou selfoon.
Installeer dit vandag nog.