Niemand het God ooit gesien nie. Sy enigste Seun, self God, wat die naaste aan die Vader is, dié het Hom bekend gemaak (Johannes 1:18).
Jesus se versekering in Markus 4:35-41 dat Hy as die Heerser oor alles áltyd by ons sal wees, sodat ons nooit hoef te vrees nie en alleen maar kan glo, mag vir baie na ‘n goedkoop antwoord klink.
Hulle sou tereg kon vra: “Hoe weet ons dat Jesus áltyd by ons is? Wááraan sien ons dit?” En miskien nog belangriker: “Hóé moet ek glo aan ‘n God wat onsigbaar is?”
Oor hierdie vrae het die vroulike teoloog, Debie Thomas, insiggewend geskryf:
“To have faith is to hold two pictures of the kingdom in tension. And to allow God to reveal himself in both. Yes, sometimes Jesus demonstrates his power in miraculous, technicolour ways; we’re not wrong to hope for such demonstrations. At other times, though, he wants us to trust that his incarnation — his quiet, abiding presence in our lives — is enough. Sometimes, Jesus’ power is paradoxical; it comes to us in seeming weakness, in quiet whispers and tiny gestures. The hiddenness of God, in other words, is simply thát:hiddenness, not absence.”
Dit is tog troosvol om te weet dat God se verborgenheid nie noodwendig sy afwesigheid beteken nie, – is dit nie?
Daarop moet ons leer vertrou.
Here, dankie dat selfs wanneer ons U nie kan sien nie, ons mag vertrou dat U met u liefde en u vergifnis by ons is, elke dag. Amen
Carel Anthonissen
